"Barselona"ning braziliyalik hujumchisi Rafinya Dias 2022 yilda klubga o'tganidan afsuslanmaganini tan oldi.

"Chelsi" o'rniga "Barselona"ning tanlanishi? Men o'zim xohlagan narsaga 100% amin edim. Rejam o'z orzumni amalga oshirish va "Barsa" libosini kiyish edi va aynan shuning uchun "Barselona"ni tanladim va shuning uchun bugun shu erdaman", - deya Rafinyaning so'zlarini keltiradi jurnalist Fabritsio Romano.

Joriy mavsumda 28 yoshli vinger barcha turnirlarni qo'shib hisoblaganda to'qqizta uchrashuvda qatnashib, uchta gol urdi va ikkita assistni o'z hisobiga yozdirib qo'ydi.

Rafinyaning "ko'k-anorranglilar" bilan amaldagi mehnat shartnomasi 2028 yilning yarmigacha mo'ljallangan.