"Barselona" sport direktori Deku jamoa hujumchisi Markus Reshford haqida fikr bildirdi.

"Reshford "Barselona"da baxtli. Markus - fantastik o'yinchi. U "Yunayted"dagi avlodlar almashinuvidan aziyat chekdi. Bu unga oson bo'lmadi. Muhim o'yinchi bo'lganingda, zimmangda katta mas'uliyat bo'ladi", - dedi Deku.

Yozgi transfer oynasida "Barselona" Reshfordni "Manchester Yunayted"dan 30 million evroga sotib olish huquqi bilan mavsum oxirigacha ijaraga oldi.

U kataloniyaliklar tarkibida barcha musobaqalarda 18 ta o'yinda maydonga tushib, 6 ta gol urdi va 9 ta golli uzatmani o'z hisobiga yozdirib qo'ydi.