«Liverpul» Misr terma jamoasi hujumchisi Muhammad Salohni yanvar oyida sotishga qaror qilgani haqida X ijtimoiy tarmog'ida indykaila News xabar berdi.Saloh har qanday variantga ochiq — u «Barselona», «Real» yoki «Bavariya»ga o'tishni ko'rib chiqishga tayyor, ammo Saudiya Arabistonidan tushishi mumkin bo'lgan taklif eng maqbul variant bo'lib chiqishi mumkin.Eslatib o'tamiz, bundan avvalroq misrlik futbolchi bosh murabbiy Arne Slotni tanqid qilib, jamoadagi o'rnidan norozilik bildirgan edi. Hujumchi ketma-ket uch o'yinda asosiy tarkibda maydonga tushmadi. Shundan keyin uni «Inter»ga qarshi bo'lib o'tgan Chempionlar ligasi uchrashuvi uchun ro'yxatga ham kiritishmadi.Joriy mavsumda Saloh «Liverpul» safida 19 ta o'yin o'tkazib, 5 ta gol urdi va 3 ta golli uzatma berdi. Hujumchining amaldagi shartnomasi 2027 yil yozigacha mo'ljallangan.