"Real"da La Liga va Ispaniya qirollik futbol federatsiyasi yuristlari Joan Laportaning "Negreyra ishi" bo'yicha suddagi chiqishidan norozi.

"Barselona" prezidenti 12 dekabr kuni sudda ko'rsatma berdi. Shu kuni kataloniyaliklarning sobiq murabbiylari Luis Enrike ("PSJ") va Ernesto Valverde ("Atletik") ham ko'rsatma berdi. Xabar qilinishicha, Laportaga savollar xususiy ayblovchi sifatida ishtirok etayotgan "Real" vakillari tomonidan ham berilgan.

AS xabariga ko'ra, RFEF vakili Beatris Seyxo Laportaga birorta ham savol bermagan. Sudda La Liga vakili bo'lgan huquqshunos Fransisko Martines faqat Negreyraning o'g'li "Kamp Nou"da hakamlarga hamrohlik qilgani yoki qilmagani haqida so'radi. Shu bilan birga, "Real" yuristlari 12 ga yaqin savol berishdi.

Qayd etilishicha, "Real" La Liga va RFEFning passivligi "ularda ishning mohiyatiga etib borishga qiziqish yo'qligini" ko'rsatadi, deb hisoblamoqda. Biroq liga va federatsiya huquqshunoslarining xatti-harakatlari madridliklarni ajablantirmadi - bu La Liga prezidenti Xaver Tebasning ommaviy bayonotlari va CTAning amaldagi rahbari Fran Sotoning Negreyra ishini "unutish va ortda qoldirish" kerakligi haqidagi bayonotlari fonida mantiqiy deb hisoblanmoqda.

Qayd etilishicha, "Real" ish bo'yicha yakuniy qaror qabul qilinmaguncha xususiy ayblovchi bo'lib qolmoqchi.