"Barselona" prezidenti Joan Laporta sudda Xose Mariya Enrikes Negreyra va uning o'g'li bilan shaxsan tanish emasligini aytdi.

Bu haqda Laportaning "Negreyra ishi" bo'yicha e'lon qilingan ko'rsatmalaridan ma'lum bo'ldi.

Laportaning so'zlariga ko'ra, u 2003 yilda klub prezidenti etib saylanganidan keyin hakamlik hisobotlarini tayyorlaydigan kompaniyaga to'lovlar haqida bilgan, biroq uning egasi kim bo'lganini unga aytishmagan.

"Men Enrikes Negreyra bilan shaxsan tanish emasdim. Menga hakamlik bo'yicha maslahat xizmati mavjudligini aytishdi va biz uning xizmatlaridan foydalanishda davom etdik, chunki biz buni foydali deb topdik.

Gap shundaki, 18 yil davomida 7,3 million evro to'langan. Keling, buni kontekstda ko'rib chiqamiz. Bu sport sohasi uchun muhim va foydali bo'lgan xizmatlar uchun unchalik qimmat emas deb o'ylayman.

Menga ma'lumki, janob Negreyraning o'g'li hisobotlar tayyorlagan, janob Negreyra o'tmishda sudya bo'lgan. Bu men bilgan yagona narsa", - dedi Laporta.