«Barselona» bosh murabbiyi Xans-Diter Flik jamoasining Ispaniya Kubogi 1/16 final bosqichida «Gvadalaxara» ustidan 2:0 hisobida qozonilgan g'alabasi haqida fikr bildirdi.— «Jamoaning jangovar ruhi menga juda yoqdi va g'alabadan xursandman. Kubok o'yinlari har doim oson o'tmaydi, ammo biz munosib o'ynadik. Eng muhimi — butun uchrashuv davomida qanday ko'rsatma va ruhiyat bilan harakat qilganimiz.Yana takrorlayman: futbolchilarning bu o'yinga bo'lgan munosabati hal qiluvchi omil bo'ldi. Bunday uchrashuvlarda gol urish qiyin kechadi, ammo biz bunga erishdik», — deya Flikning so'zlarini keltiradi Marca.Ushbu bahsda gollarni 76-daqiqada daniyalik himoyachi Andreas Kristensen hamda 90-daqiqada angliyalik vinger Markus Rashford kiritdi.