"Barselona" jamoa bosh murabbiyi Xansi Flikning kelajagi borasida muhim qaror qabul qildi.

Germaniyaning nufuzli BILD nashri manbalariga ko'ra, "ko'k-anorranglilar" rahbariyati 60 yoshli germaniyalik mutaxassis bilan shartnomani uzaytirmoqchi. Uning klub bilan amaldagi kelishuvi 2027 yilning iyun oyi oxirigacha amal qiladi.

Qayd etilishicha, "Barsa" Flikka 2028 yilgacha mo'ljallangan yangi shartnoma taklif qilishga tayyor.

Xans-Diter Flik qo'l ostida "Barselona" barcha musobaqalarda 84ta o'yin o'tkazdi (62 g'alaba, 9 durang va 13 mag'lubiyat). U klub bilan o'tgan mavsumda La Liga, Ispaniya kubogi va Superkubogini qo'lga kiritdi.