"Barselona" "Inter" markaziy himoyachisi Alessandro Bastoni bo'yicha so'rov yubordi. Bu haqda insayder Matteo Moretto yozmoqda.

Qayd etilishicha, Kataloniya klubi sport direktori Deku yaqinda Milanga tashrif buyurib, 26 yoshli futbolchining ehtimoliy transferini muhokama qilgan. Ispaniya grandi Ronald Arauxo bilan bog'liq vaziyat noaniqligi sabab Bastoni bilan shartnoma imzolashga qiziqmoqda. Futbolchi ruhiy salomatligini tiklash uchun dam olmoqda.

Qishda bitim tuzish qiyin bo'lishi kutilmoqda, ammo La Liga klubi muqobil variantlarni ko'rib chiqmoqda. ESPN manbalariga ko'ra, "Aston Villa" himoyachisi Pau Torres ham nomzodlar ro'yxatidan o'rin olgan.