"Barselona" tarbiyalanuvchisi, hozirda "Selta" sharafini himoya qilayotgan o'ng qanot himoyachisi Oskar Mingesa faoliyatini Angliya Premer-ligasining top-klubida davom ettirishi mumkin.

This is Anfield xabariga ko'ra, "Liverpul" 26 yoshli futbolchini diqqat bilan kuzatmoqda. U kelasi yozda erkin agentga aylanishi mumkin. Mersisaydliklar yanvar oyida u bilan dastlabki aloqalarni o'rnatadi.

Joriy mavsumda Mingesa vigoliklar safida jami 20 ta o'yinda 1 ta gol urdi va 3 ta golli uzatma berdi.