Kataloniyaning "Barselona" klubi safida to'p tepayotgan markaziy yarim himoyachi Frenki de Yong klubini o'zgartirishi mumkin. Bu haqda Fijaches jurnalistlari xabar bermoqda.

Manbaga ko'ra, niderlandiyalik xavbekning transferiga Myunxenning "Bavariya" klubi qiziqish bildirmoqda. Germaniya top-klubi rahbariyati de Yong transferi uchun taxminan 50 million evro taklif qilishga tayyor.

28 yoshli yarimhimoyachi "ko'k-anorranglilar" safida 2019 yilning yozidan buyon to'p tepib kelmoqda. Uning amaldagi mehnat shartnomasi 2029 yil iyun oyi oxirida tugaydi.

Ispaniya chempionatining joriy mavsumida de Yong 14 ta jangda ishtirok etdi. Niderlandiyalik futbolchi 3 ta golli uzatmani o'z hisobiga yozdirib qo'ydi.