Yakshanba kuni "Barselona" va "Real" Ispaniya Superkubogi finalida to'qnash keladi. Kataloniyaliklar bosh murabbiyi Xans-Diter Flik jamoada oktyabr oyidagi mag'lubiyat (1:2) uchun "qaymoqranglilar"dan qasos olish kayfiyati bormi, degan savolga javob berdi.

"Menga qasos haqidagi gaplar yoqmayapti. Bu bor-yo'g'i bitta o'yin edi. Undan keyingi uchrashuvlarda biz kerakli ishlarni qildik. Yana yaxshi o'ynay boshladik.

"Barselona" uchun doim g'alaba qozonish muhim. Mavsum oxirigacha uzoq yo'l va biz ertaga dunyoning eng yaxshi jamoalaridan biri bilan o'ynaymiz," - dedi Flik matbuot anjumanida.

"Barselona" - "Real" uchrashuvi 11 yanvar kuni Toshkent vaqti bilan soat 23:59da boshlanadi.