«Barselona» bosh murabbiyi Xans-Diter Flik Ispaniya Kubogi 1/8 finalida «Rasing»ga qarshi uchrashuv (2:0) oldidan jamoani qanday ruhlantirgani haqida savolga javob berdi. Bu o'yin arafasida «Real» Segunda klubi «Albasete»ga 2:3 hisobida mag'lub bo'lgan edi.«Bunday o'yinlar nom bilan emas, munosabat bilan yutiladi. “Rasing” uchun bu so'nggi yillardagi eng muhim o'yinlardan biri. Biz Superkubokdagi g'alabadan keyin keldik, ammo bunday bahslar faqat jiddiy yondashuv va to'g'ri ruhiyat bilan yutiladi», — deya Flikning so'zlarini keltiradi Sport.es.Ayni paytda Ispaniya Kubogining amaldagi sohibi «Barselona» hisoblanadi. 2024/2025 yilgi mavsum finalida «ko'k-anorranglilar» madridning «Real» jamoasini qo'shimcha vaqtda 3:2 hisobida mag'lub etgan edi.