"Barselona" mavsum yakunlangach, Markus Reshfordni olib qolmoqchi. Angliyalik futbolchi joriy yilning iyun oyi oxirigacha "Manchester Yunayted"dan ijaraga olingan.

Barca Universal xabariga ko'ra, kataloniyaliklar allaqachon 28 yoshli futbolchini olib qolish rejasini ishlab chiqmoqda va variantlardan biri - biroz qo'shimcha to'lov evaziga ijara muddatini yana bir yilga uzaytirish. Shuningdek, dastlab kelishilgan 30 mln o'rniga 20-25 mln evroga sotib olish imkoniyati ham ko'rib chiqilmoqda. Nihoyat, uchinchi stsenariy - tovon pulini kamaytirish uchun kelishuvga boshqa futbolchilarni qo'shish.

Markus Reshford "ko'k-anorranglilar" safida barcha musobaqalarda 28 ta o'yinda 7 ta gol va 11 ta golli uzatmani o'z hisobiga yozdirib qo'ydi.