"Barselona" darvozaboni Mark-Andre ter Shtegen Angliyaga ko'chib o'tmoqchi emas.

33 yoshli futbolchini "Vest Xem" o'z safiga qo'shib olmoqchi edi - "bolg'achilar" uni joriy mavsum oxirigacha ijaraga olish variantini taklif qilishgandi. Mundo Deportivo xabariga ko'ra, germaniyalik darvozabon o'ylab o'tirmay rad javobini bergan, chunki u oilasidan uzoqqa ketishni istamayapti.

Avvalroq, Mark-Andre ter Shtegen Kataloniyaning "Jirona" klubiga o'tishga tayyorligi haqida xabarlar tarqalgan edi. Joriy mavsumda "ko'k-anorranglilar" sardori atigi bir marta maydonga tushdi. Uning "Barselona" bilan amaldagi shartnomasi 2028 yilga qadar imzolangan.

"Vest Xem" APL 22-turidan keyin turnir jadvalida 18-o'rinni egallab turibdi.