Yarimhimoyachi Bernardu Silva mavsum yakunlangach, "Manchester Siti"ni tark etmoqchi.

El Chiringuito TV jurnalisti Niko Rodrigesning xabar berishicha, Portugaliya terma jamoasining 31 yoshli futbolchisi allaqachon jamoasini o'zgartirishga qaror qilgan. Uning shartnomasi 30 iyungacha mo'ljallangan.

Kanalning yana bir jurnalisti Xose Alvaresning ma'lum qilishicha, "Barselona" Silvani yozda o'z safiga qo'shib olmoqchi.

Joriy mavsumda Bernardu APLda 22 ta o'yinda maydonga tushdi va 2 ta golli uzatmani amalga oshirdi.