"Al-Ahli" hujumchisi Hamza Abdelkarim "Barselona"ga o'tmoqda. Jurnalist Fernando Poloning ma'lum qilishicha, bitim allaqachon yopilgan.

18 yoshli futbolchi "ko'k-anorranglilar" safiga 3 mln evroga sotib olish huquqi bilan ijara asosida qo'shiladi. Tez orada yosh misrlik tibbiy ko'rikdan o'tadi, shundan so'ng transfer rasmiylashtiriladi.

"Barselona"ning Misrning yangi yulduzini o'z safiga qo'shib olish niyati borligi bir necha oy oldin ma'lum bo'lgan edi. Hujumchi Qohiraning "Al-Ahli" klubi safida to'qqizta o'yin o'tkazdi, ammo hozircha samarali harakatlari bilan ajralib turgani yo'q, ammo 17 yoshgacha bo'lganlar terma jamoasida 19 ta o'yinda 12 ta gol urdi va oltita golli uzatmani amalga oshirdi.