Urugvayning "Defensor" klubi chap qanot himoyachisi Patrisio Pasifiko "Barselona" safini to'ldirishi mumkin. Kataloniya grandi 19 yoshli futbolchining transferi bo'yicha kelishuvga yaqin turibdi, deb xabar bermoqda jurnalist Janluiji Longari.

Urugvaylik yosh futbolchi "Defensor"ning asosiy tarkibida 40ta o'yinda maydonga tushib, 2ta gol urishga ulgurdi. Istiqbolli lateral nafaqat qanotda, balki mudofaa markazida, shuningdek, tayanch zonasida ham o'ynashga qodir.

Patrisio Pasifikoning mashhur Transfermarkt portalidagi narxi - 650 ming evro. Futbolchining amaldagi mehnat shartnomasi 2028 yil oxirigacha tuzilgan.