"Barselona" o'z maydonida "Real Ovedo" ustidan 3:0 hisobida g'alaba qozonib, La Liga turnir jadvalida yana peshqadamga aylandi. Kataloniyaliklar safida gollarga Dani Olmo, Rafinya va Lamin Yamal mualliflik qildi.

Yamal chalqancha usulda, chiroyli zarba bilan gol urdi. Goldan so'ng Lamin Krishtianu Ronaldu "Real"da o'ynagan vaqtidagi gol nishonlashini takrorladi.

Endi "Barselona" Chempionlar ligasi doirasida o'z maydonida "Kopengagen"ga qarshi bahsga tayyorgarlik ko'radi. O'yin 28 yanvar, chorshanba kuni bo'lib o'tadi.