"Barselona"ning 18 yoshli iste'dodli yarim himoyachisi Mark Bernal klubni tark etishi mumkinligi haqidagi mish-mishlar fonida klubdagi kelajagi haqida balandparvoz bayonot berdi.

"Men har doim faqat bir narsani - "Barselona"da o'ynashni xohlaganman. Men bu klubda qolishni rejalashtirmoqdaman, chunki bu mening hayotim, men bu klubni butun qalbim bilan sevaman va shunday bo'lib qoladi", - dedi ispaniyalik Mundo Deportivo nashriga bergan intervyusida.

Bu mavsumda Mark Bernal "Barselona" safida barcha musobaqalarda 15 ta o'yinda maydonga tushdi. Uning klub bilan amaldagi shartnomasi 2029 yilning iyun oyi oxirigacha mo'ljallangan.

Eslatib o'tamiz, "PSJ" yaqinda "Barselona"dan 18 yoshli Dro Fernandesni 8 million evroga sotib olgan edi.