Braziliya terma jamoasi vingeri Rafinya terma jamoaga bosh murabbiy Karlo Anchelottining ta'siri haqida gapirdi.

"U meni juda hayratda qoldirdi. Uning qanday ishlashi, futbolchilarga qanchalik yaqin bo'lishi katta farq qiladi. U kelganidan keyin biz yana aloqa o'rnatishni boshladik", - dedi Rafinya Sofascore’ga bergan intervyusida.

Kelgusi yozda Karlo Anchelotti boshchiligidagi Braziliya terma jamoasi jahon chempionatida ishtirok etadi. Guruh bosqichida "selesao"ga Marokash, Gaiti va Shotlandiya raqiblik qiladi.