"Barselona" bosh murabbiyi Xans-Diter Flik klubning transfer bozoridagi faoliyatidan qoniqish hosil qilyaptimi, degan savolga javob berdi. Bunga javoban nemis tarkibdan mamnun ekanligini aytdi.

"Albatta, tarkibdan mamnunman. Jarohat olgan futbolchilar qaytadi: Pedri tiklanish jarayonining o'rtasida, Gavi ko'proq mashq qila boshladi. Kristensen ham bor. Ko'ramiz, nima bo'larkin. Menda katta sifatga ega ajoyib jamoa bor. Shuningdek, bitta, ikkita yoki uchta o'yin o'tkazishga tayyor bo'lgan zaxira va akademiya futbolchilari ham bor. Markes yaxshi ishlayapti, Torrens ham. Men akademiya va yoshlarning saviyasidan mamnunman", - dedi Flik jurnalistlarga.

"Barselona" 31 yanvar, shanba kuni La Liga doirasida safarda "Elche"ga qarshi bahs olib boradi.