Braziliyalik mashhur hujumchi Neymar Krishtianu Ronaldu bilan bir kunda - 5 fevralda tug'ilgan. Portugaliyalik 41 yoshda, braziliyalik esa 34 yoshda.

Ayni damda Neymar "Santos" sharafini himoya qilmoqda. Hujumchi yozgi jahon chempionatiga qadar yaxshi formaga kirishni kutmoqda. U erda Braziliya guruh bosqichida Marokash, Gaiti va Shotlandiya terma jamoalariga qarshi bahs olib boradi.

Avvalroq, Neymar Evropada "Barselona" va "PSJ" klublarida o'ynagan. Braziliyalik futbol tarixidagi eng qimmat futbolchi bo'lib qolmoqda. 2017 yilda "PSJ" Neymar transferi uchun aql bovar qilmaydigan 222 million evro to'lagan. Nufuzli Transfermarkt portali 34 yoshli Neymarni 10 million evroga baholamoqda.