"Jirona"ning germaniyalik darvozaboni Mark-Andre ter Shtegen jarohatiga izoh berdi. Tez orada darvozabon jarrohlik amaliyotini boshdan kechiradi.

"O'tgan dam olish kunlari jarohat oldim. Bu juda yomon voqea edi. "Jirona"ga yordam berishda davom etishni, jamoaning bir qismi bo'lishni istardim. Lekin endi mening rolim o'zgardi. Jarohatimga qaramay, jamoani qo'llab-quvvatlashda davom etaman. Hozircha o'yinlar va mashg'ulotlardan tanaffus olyapman", - deyiladi futbolchining ijtimoiy tarmoqdagi sahifasida.

33 yoshli darvozabon joriy mavsum yakuniga qadar "Jirona" tomonidan Kataloniyaning "Barselona" klubidan ijaraga olingan edi.