«Barselona» himoya chizig'ini kuchaytirish uchun turli variantlarni o'rganmoqda. «The Touchline» nashrining xabar berishicha, Kataloniya klubi «Bornmut» a'zosi Markos Senesining imkoniyatlarini yuqori baholamoqda. «Ko'k-anorranglilar» bosh murabbiyi Xans-Diter Flikning fikricha, Senesi o'tgan mavsumda jamoa sharafini himoya qilgan Inigo Martinesga o'xshash uslubga ega.

«Barselona» 28 yoshli Senesini «Inter» himoyachisi Alessandro Bastoni uchun arzonroq muqobil variant sifatida ko'rib chiqmoqda.

Markos Senesining «Bornmut» bilan amaldagi shartnomasi 2025/2026 yilgi mavsum yakuniga qadar mo'ljallangan. Shu tariqa, kelayotgan yozda argentinalik futbolchini erkin agent sifatida qo'lga kiritish imkoniyati mavjud bo'ladi.