«Barselona» vingeri Rafinya jarohatlar va kam o'yin amaliyoti bilan bog'liq qiyinchiliklardan so'ng o'z formasini tiklab olayotganini ta'kidladi.

Klubning YouTube kanalidagi muloqotda u jarohatlar futbolchi uchun ruhiy jihatdan juda og'ir zarba ekanini tan oldi.

«Men qiyin davrlarni boshdan kechirdim. Jarohatlar juda og'ir, ba'zan nima uchun bunday bo'lganini tushuntirib ham bo'lmaydi. Ammo hozir o'zimni ham ruhan, ham jismonan yaxshi his qilyapman», — dedi 29 yoshli futbolchi.

O'tgan mavsumda 60 ta golda ishtirok etgan braziliyalik yulduz, bu yil 13 ta o'yinni o'tkazib yuborgan bo'lsa-da, yana avvalgi darajasiga chiqishga yaqin ekanini qo'shimcha qildi.