“Barselona” Kot-d’Ivuar terma jamoasi va “Roma” klubi himoyachisi Evan Ndikaga qiziqish bildirmoqda. Bu haqda “Sport.es” xabar berdi.Manba ma'lumotiga ko'ra, “Barselona” markaziy himoyachi bo'yicha dastlabki maslahatlashuvlarni o'tkazib, futbolchi haqida ma'lumot to'plashni boshlagan. Ta'kidlanishicha, 26 yoshli futbolchi kataloniyaliklar tarkibida himoyachilar uchun qo'yiladigan bir qator talablarga mos keladi va himoyadagi muammolarni bartaraf eta oladi.Hozircha “ko'k-anorranglilar” tomoni faqat ma'lumot yig'ish bilan cheklanmoqda, ochiq muzokaralar olib borilayotgani yo'q.Joriy mavsumda Ndika barcha turnirlarda 31 ta uchrashuvda maydonga tushib, 3 ta gol muallifiga aylangan. Futbolchining “Roma” bilan amaldagi shartnomasi 2028 yil yozigacha mo'ljallangan. Transfermarkt portali ma'lumotiga ko'ra, uning bozor qiymati 30 million evroni tashkil qiladi.Ma'lumot uchun, Ndika Kot-d’Ivuar terma jamoasi safida 2024 yilda Afrika Millatlar Kubogida g'olib chiqqan.