Angliya terma jamoasining sobiq futbolchisi Ueyn Runi hozirgi «Barselona»ning zaif tomonini ko'rsatib o'tdi.

«Men joriy mavsumda «Barselona» ishtirokidagi ikkita o'yinni — «Chelsi» va «Nyukasl»ga qarshi bahslarni kuzatdim. Ikkala holatda ham menda Angliya Premer-ligasining tempi va intensivligi ular uchun juda yuqorilik qilyapti, degan hissiyot paydo bo'ldi», — deya Runining so'zlarini keltirmoqda «The Touchline».

Eslatib o'tamiz, o'tgan seshanba kuni «Barselona» Chempionlar ligasi 1/8 finalining dastlabki uchrashuvida safarda «Nyukasl» bilan 1:1 hisobida durang o'ynadi. Kataloniyaliklar o'yin yakunida penalti evaziga mag'lubiyatdan qutulib qolishdi. Jamoalar o'rtasidagi javob bahsi kelasi haftada, 18 mart kuni «Kamp Nou» stadionida bo'lib o'tadi.