Kataloniyaning «Barselona» klubida ijara asosida to'p surayotgan angliyalik hujumchi Markus Reshford «ko'k-anorranglilar» safida uzoqroq qolishi mumkin. Bu haqda Talksport jurnalistlari xabar bermoqda.

Manbaga ko'ra, Kataloniya grandi rahbariyati hujumchini yana bir mavsumga ijaraga olishni rejalashtirmoqda. Futbolchining to'liq transfer huquqi esa «Manchester Yunayted»ga tegishli.

Reshford va «Barselona» o'rtasidagi amaldagi ijara shartnomasi shu yilning yozida nihoyasiga etadi.

Ispaniya chempionatining joriy mavsumida Markus 23 ta uchrashuvda ishtirok etdi. Hujumchi o'z hisobiga to'rtta gol va oltita golli uzatmani yozdirib qo'yishga muvaffaq bo'ldi.