Qishda «Barselona» Joau Kanseluni Saudiyaning «Al-Hilol» klubidan mavsum yakuniga qadar ijaraga olgan edi.

Ma'lum bo'lishicha, kataloniyaliklar portugaliyalik futbolchining o'yinidan mamnun va ijara shartnomasi muddati tugaganidan keyin ham uni jamoada saqlab qolmoqchi. Insayder Fabritsio Romanoning ma'lumotiga ko'ra, o'yinchining o'zi ham «Barsa»da qolishni istaydi. Klub lateral bilan doimiy asosda shartnoma imzolash variantlarini agent Jorje Mendesh bilan birgalikda ko'rib chiqishda davom etmoqda.

Joau Kanselu Xans-Diter Flik jamoasi safida o'tkazgan 12 ta uchrashuvda bitta gol va to'rtta golli uzatma muallifiga aylandi. May oyida har ikki qanotda ham o'ynashga qodir bo'lgan himoyachi 32 yoshga to'ladi.