"Barselona" Madridda 2:1 hisobida g'alaba qozonib, "Real" bilan oradagi farqni etti ochkoga etkazgan bo'lsa-da, Lamin Yamal "Atletiko"ga qarshi o'yindan so'ng maydonni mahzun holatda tark etdi.

The Touchline nashrining Catalunya Radioga tayanib xabar berishicha, "Barselona" klubi Yamal "Atletiko" muxlislarining xatti-harakatlari tufayli g'azablangan deb gumon qilmoqda. Madrid klubi ishqibozlari o'yin davomida Laminni haqorat qilishgan va unga nisbatan hurmatsizlik ko'rsatishgan.

Eslatib o'tamiz, avvalroq ijtimoiy tarmoqlarda "Atletiko" stadioni tribunalaridan Yamal sha'niga aytilgan haqoratlar eshitilgan videolar tarqalgan edi.

"Barselona" o'zining navbatdagi o'yinini 8 aprel kuni — o'z maydonida Chempionlar Ligasi doirasida yana "Atletiko"ga qarshi o'tkazadi.