«Barselona»ning sobiq futbolchisi Terri Anri La Liga doirasida «Espanol»ga qarshi kechgan o'yinda (4:1) hujumchi Lamin Yamalning ko'rsatgan o'yini haqida o'z fikrlari bilan o'rtoqlashdi.

«Eshiting, odamlar uning yoshi haqida gapirishmoqda, lekin unga qaraganingizda tug'ilganlik haqidagi guvohnomani emas, balki maydondagi «echim»ni ko'rasiz. «Barselona»ning baxti kulgan va ular o'z saflarida shunday yigit borligi uchun juda omadlidirlar. Sizda Lamin kabi 9-daqiqada Ferranga golli pas berib, 25-daqiqada buni yana takrorlay oladigan futbolchi bo'lsa, raqib hali terlab ulgurmasidan o'yin taqdiri hal bo'ladi.

U shunchaki futbol o'ynamaydi; u maydon geometriyasini o'zidan o'n yosh katta futbolchilardan ham yaxshiroq tushunadi. Aslida hammasi juda oddiy. Agar juma kuni «Real» tarkibida mana shunday sovuqqonlik va maydonni ko'rish qobiliyatiga ega futbolchi bo'lganida edi, biz «Jirona» bilan bo'lgan durang haqida gapirib o'tirmasdik. Ular maydonni g'alaba bilan tark etishgan bo'lardi. Ammo ularda bunday o'yinchi yo'q. «Barsa»da esa bor! Va u Kataloniyada», — dedi Anri.

Eslatib o'tamiz, «Espanol»ga qarshi bahsda Lamin Yamal bitta gol urdi va ikkita golli uzatmani amalga oshirdi.