«Barselona» vingeri Lamin Yamal nega avatariga «Los-Anjeles Leykers» basketbol klubi hujumchisi Lebron Jeymsning NBA chempionlik kubogi bilan tushgan suratini qo'yganini izohladi. Gap 2016 yil finali haqida bormoqda — o'shanda «Klivlend» seriyada 1:3 hisobidan ortga qaytib, «Golden Steyt Uorriorz» ustidan g'alaba qozonib, chempion bo'lgan edi.Ma'lumki, «Barselona» Chempionlar ligasi chorak finalining ilk o'yinida «Atletiko Madrid»ga 0:2 hisobida mag'lub bo'lgan. Javob uchrashuvi 14 aprel kuni Madridda bo'lib o'tadi.Evropa Chempionlar ligasi, 1/4 final, javob o'yini14 aprel 2026 yil«Atletiko Madrid» — «Barselona»«Lebron — meni ertangi o'yinga ruhlantira oladigan shaxslardan biri, shuning uchun uni tanladim. U qanday kambek qilgani haqida o'yladim, umid qilamanki, men ham shunday qila olaman. Jamoada ko'p o'yinchilar bor, men ulardan biriman, yagonasi emasman», — dedi Yamal.