«Barselona» vingeri Lamin Yamal Chempionlar ligasi 1/4 finali doirasidagi «Atletiko»ga qarshi javob o'yini oldidan matbuot anjumanida ishtirok etdi. 18 yoshli futbolchidan Neymar uni ilhomlantirishi yoki yo'qligi haqida so'rashdi.

«Neymar — butun bolaligimni shakllantirgan futbolchi. U mening kumirim va men undan doimo minnatdor bo'laman. U shunday o'yinchimi, odamlar aynan uni ko'rish uchun chipta sotib olishga tayyor turishadi. Uning futbolga bergan barcha narsasi uchun rahmat aytmoqchiman. U jahon chempionatiga bora olishiga umid qilaman», — dedi Yamal.