Angliya terma jamoasi va «Liverpul» klubi sobiq himoyachisi Jeymi Karrager Premer-liga tarixidagi eng yaxshi markaziy yarim himoyachilar reytingini e'lon qildi.

Daily Mail nashri bergan ma'lumotlarga ko'ra, reytingning birinchi pog'onasini «qizillar»ning afsonaviy vakili Stiven Jerrard egalladi. Ikkinchi o'rindan «Manchester Yunayted» sobiq yarim himoyachisi va sardori Roy Kin joy oldi. Kuchli uchlikni «Chelsi» va «Manchester Siti» sobiq xavbeki Kevin de Bryuyne yakunlab berdi.

Shuningdek, kuchli o'ntalikka quyidagi futbolchilar kirdi: Patrik Vieyra, Frenk Lempard, N’Golo Kante, Pol Skoulz, Yaya Ture, Rodri Ernandes va Sesk Fabregas.

Qayd etish joizki, yuqorida nomlari tilga olingan futbolchilardan uch nafari — de Bryuyne, Kante va Rodri hali ham faoliyatini davom ettirmoqda.