«Barselona» bosh murabbiyi Xans-Diter Flik Ispaniya chempionatining 33-turida «Selta»ga qarshi uchrashuvda (1:0) Ferran Torres kiritgan gol bekor qilingani haqida fikr bildirdi. Eslatib o'tamiz, 55-daqiqada bosh hakam Xose Munuera Montero ofsayd sababli ushbu golni inobatga olmagan edi.«Menimcha, Ferran kiritgan ikkinchi gol to'g'ri hisoblanishi kerak edi. Nima uchun u bekor qilingani bo'yicha tushuntirib berishlarini xohlayman. Ofsayd qaerda edi? Men sizlar ko'rgan suratni ko'rdim. Odatda biz o'yinni nazorat qilamiz, ammo «Selta» yuqori pressing bilan katta bosim o'tkazdi. Vaziyat yaratish va gol urish oson emas. Bir necha marta to'pni oson yo'qotdik va bu bizga yordam bermadi», — dedi Xans-Diter Flik. Uning so'zlarini Marca keltirdi.Bu natijadan so'ng «Barselona» 32 o'yindan keyin 82 ochko bilan turnir jadvalida peshqadam bo'lib turibdi. «Selta» esa 44 ochko bilan 7-o'rinni egallab turibdi.