«Barselona»ning sobiq futbolchisi va bosh murabbiyi Xavi Ernandes jamoaning hozirgi tarkibidagi eng kam baholangan o'yinchi kimligini aytdi.

Ispaniyalik mutaxassis 2021 yildan 2024 yilgacha klubda birga ishlagan yarim himoyachi Frenki de Yongni alohida qayd etdi.

«Men de Yongni etarlicha qadrlanmaydigan futbolchilardan biri deb hisoblayman. Bunday o'yinchilar o'z mohiyati bilan menga o'xshab ketadi», — deya «ko'k-anorranglilar»ning afsonaviy yarim himoyachisi, 46 yoshli Xavining so'zlarini keltiradi BarcaTimes.

Frenki de Yong 2019 yildan beri «Barselona» sharafini himoya qilib kelmoqda. 28 yoshli niderlandiyalik futbolchining Kataloniya grandi bilan amaldagi shartnomasi 2029 yilning o'rtalariga qadar mo'ljallangan.