29 aprel oqshomida hujumchi Lamin Yamalning Kataloniyaning «Barselona» klubi tarkibida debyut qilganiga roppa-rosa uch yil to'ldi — o'shanda u 15 yosh-u 290 kunlik edi. Yamal Ispaniya chempionati oliy ligasida maydonga tushgan tarixdagi eng yosh futbolchiga aylangandi.

Bu voqea Ispaniya chempionati doirasidagi «Barsa» Sevilyaning «Betis» jamoasini 4:0 hisobida mag'lub etgan uchrashuvda yuz bergan. O'yinning 83-daqiqasida, «Barsa» o'zining to'rtinchi golini urganidan so'ng, klubning o'sha paytdagi ustozi Xavi Ernandes maydonga ushbu vunderkindni tushirishga qaror qilgan.

Yamal Gavining o'rniga zaxiradan maydonga tushgan — qolgani esa allaqachon tarixga aylandi.