«Barselona» hamda «Manchester Siti» yarim himoyachisi Bernardu Silva hamkorlik bo'yicha printsipial kelishuvga erishdi. «Shaharliklar» sardorining Kataloniya klubiga o'tishi 80 foizga yakunlangan. Bu haqda Barca Universal nashri jurnalist Mikel Blaskesning X ijtimoiy tarmog'idagi sahifasiga tayanib xabar bermoqda.Manba ma'lumotiga ko'ra, portugaliyalik futbolchi Angliya klubida olayotgan maoshiga nisbatan taxminan 60 foizga kamaytirishga tayyor.Bernarduni transfer qilish bo'yicha yakuniy qarorni «Barselona» bosh murabbiyi Xans-Diter Flik qabul qiladi. U agar yarim himoya chizig'idagi ayrim futbolchilar jamoani tark etsa, ushbu transferga ma'qullaydi. Mazkur pozitsiya uchun Silvadan tashqari boshqa futbolchilarni xarid qilish rejalashtirilmagan. U yozda erkin agent sifatida jamoaga qo'shilishi mumkin.