Italiyaning «Milan» klubi polshalik hujumchi Robert Levandovski bilan hamkorlik qilish imkoniyatini jiddiy ko'rib chiqmoqda. Futbolchining moliyaviy talablari ancha yuqoriligiga qaramay klub mutasaddilari ushbu transfer ustida bosh qotirishmoqda. Agar kelishuv amalga oshsa, u Italiya klubi tarkibidagi eng ko'p maosh oluvchi o'yinchiga aylanadi.

Levandovski variantini jamoa bosh murabbiyi Massimiliano Allegri va sport direktori Igli Tare to'liq qo'llab-quvvatlamoqda, ularning ikkalasi ham Robertni jamoada ko'rishni istaydi. Biroq, klubning yuqori rahbariyati vakili Jorjo Furlani bu transferga qarshi chiqmoqda.

Robert Levandovski so'nggi to'rt yilni Kataloniyaning «Barselona» klubida o'tkazdi, ammo hozirgi ma'lumotlarga ko'ra, u yozda jamoani tark etishga yaqin turibdi.