«Manchester Yunayted» hujumchisi Markus Reshford Ispaniya chempionatida qolishi mumkin, biroq Kataloniyaning «Barselona» klubida emas. Metro nashri bergan ma'lumotlarga ko'ra, ingliz hujumchisini Madridning «Real» klubi o'z safiga qo'shib olishi mumkin.

Reshfordning transferiga yaqin orada «qaymoqranglilar» bosh murabbiyligi lavozimini egallashi kutilayotgan portugaliyalik mutaxassis Joze Mourino shaxsan qiziqish bildirmoqda. Joriy mavsumda Markus ijara asosida «Barselona» sharafini himoya qilmoqda.

Hujumchi Ispaniya La Ligasida 31 ta uchrashuvda maydonga tushib, o'z hisobiga 8 ta gol va 7 ta golli uzatmani yozdirib qo'ydi. 28 yoshli ingliz futbolchisining transfer bahosi bozorda 40 million evroga baholanmoqda.