«Barselona» bosh murabbiyi Xansi Flik Kataloniya klubi tarixida yangi sahifa ochish arafasida. Germaniyalik mutaxassis o'zidan oldingi mashhur murabbiylarning natijalarini ortda qoldirishi mumkin.

Agar «Barselona» navbatdagi turda «Valensiya» ustidan g'alaba qozonsa, Flik La Ligadagi dastlabki ikki mavsumida 76 ta o'yindan 60 tasida g'alaba qozongan ilk murabbiyga aylanadi.

Hozircha bu boradagi rekord Luis Enrikega tegishli bo'lib turibdi. Ispaniyalik mutaxassis o'z vaqtida dastlabki ikki mavsumda 59 ta g'alabani qo'lga kiritgan edi. Klub afsonasi Pep Gvardiola esa 58 ta g'alaba bilan ushbu ro'yxatda uchinchi o'rinni egallab turibdi.