«Barselona» yarim himoyachisi Fermin Lopes o'ng oyoq kaft qismida muvaffaqiyatli operatsiya qilindi, deb xabar bermoqda klub matbuot xizmati.

Dushanba, 18 may kuni futbolchida beshinchi kaft usti suyagining sinishi aniqlangani ma'lum bo'lgan edi. 23 yoshli xavbekning tiklanishi uchun qancha vaqt talab etilishiga hozircha aniqlik kiritilmagan, biroq futbolchi ushbu jarohat sababli bo'lajak JCh-2026 musobaqasini o'tkazib yuborishi mumkin.

Joriy 2025/26 yilgi mavsumda Lopes «Barselona» tarkibida barcha turnirlar doirasida 48 ta uchrashuvda maydonga tushib, 13 ta gol urdi va 17 ta golli uzatmani amalga oshirdi.