«Barselona» safiga kelib qo'shilgan Entoni Gordonning ispan tilini puxta bilishi ko'pchilikda hayrat uyg'otdi, chunki futbolchi faoliyati davomida faqat Angliyada to'p tepgan. Biroq angliyalik vinger buning sababini ochiqladi:

«Ishoning yoki ishonmang, men ispan tilini oldindan o'rganganman, chunki bir kun kelib «Barselona»da o'ynashimni doim bilganman. Bu mening orzum edi. «Nyukasl»da birga ishlagan fizioterapevtimizga har doim bir kun kelib «Barselona»da o'ynashimni aytardim. Rostini aytsam, men uch yoshimdan buyon «Barsa» safida to'p surishni orzu qilganman», — dedi Gordon o'z taqdimotida.

Eslatib o'tamiz, Entoni Gordon «Nyukasl»dan «Barselona»ga o'tdi. OAV xabarlariga ko'ra, kataloniyaliklar ushbu transfer uchun taxminan 80 million evro sarflagan.