«Barselona» klubi «Real Madrid»ning «Atletiko» hujumchisi Xulian Alvares uchun qilgan taklifiga munosabat bildirdi, deb xabar bermoqda Sport.es nashri.

Avvalroq «Real» argentinalik forvard uchun rasman 150 million evro taklif qilganini e'lon qilgan edi, biroq «Atletiko» futbolchining shartnomasidagi tovon puli 500 million evro ekanligini eslatib, bu taklifni rad etdi.

Manbaning xabariga ko'ra, Kataloniya klubi «Real» prezidenti Florentino Peresning bu harakatlarini bo'lajak kelishuvga xalaqit berish va Alvares atrofidagi vaziyatda qo'shimcha bosim o'tkazishga urinish deb hisoblamoqda.

Qayd etilishicha, «Barselona» prezidenti Joan Laporta muzokaralarda shaxsan ishtirok etmoqda va futbolchining agenti Fernando Idalgo bilan suhbatlashgan. O'yinchining vakili Laportani agar Alvares «Atletiko»dan ketadigan bo'lsa, uning uchun asosiy variant aynan «Barselona» bo'lib qolishiga ishontirgan.

Shuningdek, kataloniyaliklar ushbu transfer uchun o'z moliyaviy chegaralarini belgilab olishgan. «Barselona» 120 million evro kafolatlangan mablag' va bonuslar taklif qilishga tayyor. Kelishuv shartlariga qarab, umumiy summa 130 million evroga yaqinlashishi mumkin, ammo bundan oshishi qiyin.