«Barselona» darvozaboni Mark-Andre ter Stegen La Liganing 19-turidan o‘rin olgan «Espanol»ga qarshi o‘yinni o‘tkazib yuboradi. Germaniyalik darvozabon, shuningdek, Ispaniya Superkubogida ham maydonga tushmasligi mumkin. Bu haqda jamoa bosh murabbiyi Ernesto Valverde ma’lumot berdi.
Eslatib o‘tamiz, avvalroq ter Stegen o‘ng tizzasidan jarohat olganligi haqida xabar qilingandi.
«U bir qancha vaqtdan beri muammolarga duch kelayotgandi va biz uning tiklanishiga oz vaqt yetmasligini tushundik. U «Espanol» bilan o‘ynamaydi, hatto Superkubok bahsiga ham tiklanishi qiyin.
Operatsiya? Bilmadim, biz buni muhokama qilmadik», – deb Valverdening so‘zlarini keltiradi Diario Sport.
Ma’lumot uchun, «Barsa» 4 yanvar kuni La Liga doirasida «Espanol» bilan, 9 yanvarda esa Ispaniya Superkubogi yarimfinalida «Atletiko» bilan o‘ynaydi.