2x.jpg">
Kike Seten "Barsa" muxlislariga eng zarur bo'lgan narsani berdi - umid!
"Barselona" “UD Ibiza”ga qarshi o'yindagi g'alabadan so'ng "Kopa del Rey" ning navbatdagi bosqichiga o'tishga muvaffaq bo'ldi. O'yindan keyingi intervyusida Kike Seten o'yin haqidagi fikrlari bilan o'rtoqlashdi.
Ikkita aniq iboralar bizning e'tiborimizni jalb qildi.
Seten :-"Ko'rganlarim menga yoqmadi, bu aniq. Ammo bunday o'yinlarda duch keladigan qiyinchiliklarni tushunaman."
Bu shuni ko'rsatadiki, murabbiy tanqidlarga ochiq va jamoasida etishmayotgan narsalar haqida ochiq gapirishdan qo'rqmaydi. Yaxshi murabbiy shu kabi vaziyatlarda o'z o'yinchilarini himoya qiladi va xatolarini ta'kidlaydi.
Seten:-"Men so'nggi o'yinlarda raqibni bunday shiddatli o'ynashini ko'rmagan edim, ammo bu normal holat."
Ushbu iqtibos Setenning o'z ishiga sodiqligi va “ko’k anorranglilar” murabbiyligiga shunchalik ishtiyoqi borligini ko'rsatib turibdi, u uchinchi darajadagi jamoaning bir nechta o'yinlarini tomosha qilganligini ko'rsatadi. Bu yaxshi murabbiy va a'lo darajadagi murabbiy o'rtasidagi farq.
(P.S. Kike Setenga asosiy raqiblar endi duch kela boshlaydi. Unga nisbatan asosiy baho o'sha o'yinlar orqali aniqlashtiriladi.)