Barselona" prezidenti Xosep Bartomeu 2017 yilda klubni tark etgan braziliyalik Neymarni jamoaga qaytarish variantlari borligini haqida gapirdi.
"Neymar haqidagi savollar doim takrorlanib turadi. Men bunga allaqachon oydinlik kiritganman. Rahbariyat yig'ilish o'tkazib, kelasi mavsum rejalarini tuzib olmasa, bu mavzu muhokama qilinmaydi. Hozir kelasi mavsum rejalari tuzilmagan. Ammo aytishim mumkinki, "Barselona" doim barcha variantlarni ko'rib chiqishga tayyor.

Lautaro Martines? Men boshqa klub jamoalari haqida gapirmaslikni maqul ko'raman. Ulardan biri Italiyada, boshqasi esa Franciyada o'ynaydi. Bular ajoyib, yosh futbolchilar, ammo kelasi mavsum rejalari haqida gapirishga hali erta", — dedi Bartomeu.