-"O'yinni boshqarish bizning asosiy maqsadimiz. Raqibning qarshi hujumlaridan qochmoqchimiz. O'yinning ko'p qismida biz tashabbus ko'rsatamiz. Har doimgidek, bu oson bo'lmaydi, chunki “Leganes”da yo'qotadigan hech narsa yo'q. Ular xotirjam o'ynashadi, holbuki biz uchun bu juda muhim nuqta bo'ladi, chunki biz musobaqaning keyingi bosqichiga chiqishni istaymiz."
Luis Suaresning to'rt oyga “lazaret”ga ketishi "Barselona"ni uning o’rnini to’diruvchi hujumchi izlashga majbur qildi va klub Rodrigoni "Valensiya" dan sotib olishga yaqin edi, ammo muzokaralar natija bermadi.
-“Menga ushbu kompozitsiya yoqdi. Ammo, agar Xunta yangi futbolchini sotib olsa, bu qiziqarli bo'ladi, buni aslo rad etmayman. Men futbolchilarimga ishonaman va agar kimdir qo’shilsa, men ham u bilan xursand bo'laman. Agar bu amalga oshmasa, men xafa bo'lmayman. Men fermadan keldim va bor narsam bilan ishlashga o'rganib qolganman. Agar yangi "to'qqizlik" paydo bo'lsa, biz uni ko'rib xursand bo'lamiz. Bu jamoa barcha jabhalarda raqobat qilishga tayyor.”
"Barsa" o'z safiga hujumchi qo'shishga umid qilsa-da, Karles Peresning "Roma" ga ketishi bilan bir kishiga kamaydi.
-"Bu o'zaro qaror edi va Karles bilan shaxsiy suhbat hamma narsaga oydinlik kiritdi. Gap shundaki, men odatda shaxsiy suhbatlar haqida gapirmayman. Bu shunday bo'ldi va men boshqa hech narsa aytolmayman.”
Setendan bu yerda ishlash kutilganidan ham qiyinmi deb so'rashganda, u buning aksi bo'lgan deb javob berdi.
-"Bu men o'ylagandagidan osonroq, chunki biz muhokama qilgan ko'p narsalar amalga oshirilmoqda. Kecha biz juda ta'sirli mashg'ulot o'tkazdik - bugun ertalab men uni ko'rib chiqdim va kecha o'z hissiyotlarimni boshimdan o’tkazdim. Shubhasiz, yaxshilanishi kerak bo'lgan narsalar bor, ammo men futbolchilarni tezkorlik bilan tushunish qobiliyatidan xursandman. Bu shunday kompozitsiya uchun mutlaqo normal jarayon va yaqin orada u maydonda ko'rinadi."
Prezident Xosep Mariya Bartomeu bilan munosabatlari haqida gapirganda, Seten o'zining yangi rahbarini maqtadi.
-"U menga to'liq ishonadi va menga vaqt berishiga ishontirdi. Men hali bilmagan ko'p narsalar bor, masalan, bu yerda ishlaydigan ko'plab odamlarning nomlari kabi. Janob Bartoneu mendan xotirjam va shoshilmaslikni so'radi, chunki bunday qisqa vaqt ichida hamma narsani tushunish va o'zlashtirish oson emas va uning ishonchi menga ishonch bag'ishlaydi.”
Seten transferlar haqida gapirishni hohlamadi.
-"O'yinchilar ketib qolishlariga kafolat berolmayman. Klub barcha uchun eng maqbul bo'lgan qarorlar qabul qilishga asoslangan. Agar futbolchi o’zi ketishni istamasa, hech biri tark etmaydi.”
-“Arturo Vidal? Men futbolchilar bilan odatiy suhbatlashaman, ammo bu holda u bilan alohida hech qanday suhbat bo'lmadi.”
Qisqa yoki uzoq muddatga e'tibor qaratishni so'raganida, Seten shogirdlari bilan ishlashga ko'proq vaqt ajratish yordam berishini tan oldi, ammo u "Barselona" da talablar qanchalik yuqori ekanligini aniq tushunadi.
-"Hech shubha yo'qki, natijalar bosimisiz ko'proq vaqt sarflagani ma'qul. Bir vaqtning o'zida raqiblar bilan to'liq raqobatlashish va biz amalga oshirishni istagan o'yin tushunchalarini hayotga tatbiq etish zarurligini tushunamiz. "Barselona" kabi klubda har doim tez qaror qabul qilishni talab qiladigan holatlar mavjud. Bizda hali juda ko'p ish bor."