Braziliyaning «Palmeyras» klubi yarim himoyachisi Mateus Fernandes faoliyatini «Barselona»da davom ettiradigan bo'ldi. Kataloniyaliklar rasmiy sayti tarqatgan xabarga ko'ra, 21 yoshli futbolchi yozda jamoa safiga qo'shiladi.Kataloniyaliklar Fernandes uchun 7 million evro to'lashadi. O'yinchining ishtirokiga qarab bu summaga yana 3 million evro qo'shilishi mumkin. Mateus bilan 5 yillik shartnoma imzolandi. Uning tovon puli sifatida 300 million evro belgilandi.