Kuni kecha mashg'ulotda jarohat olgan Usmon Dembele avval xabar berilganidek 2 haftaga emas, ko'proq muddatga safdan chiqqan bo'lishi mumkin. Frantsiyalik futbolchining o'ng oyog'i tizzasining ortidagi mushagida uzilish yuz bergan. Yaqin soatlar ichida Dembeleni davolash uchun qanday yo'l tanlanishi ma'lum bo'ladi. "Mundo Deportivo" tarqatgan xabarga ko'ra, Dembele 2017 yilda ham chap oyog'idan xuddi shunday jarohat olgan edi. O'shanda u operatsiya stoliga yotishga majbur bo'lgan va 4 oy davomida maydondan tashqarida qolgan edi.Shu bois, futbolchi joriy mavsum oxirigacha maydonga boshqa qaytmasligi mumkin.